ഒരു ചാവറക്കാലം
ജാതിവ്യവസ്ഥയും അനാചാരങ്ങളുംകൊണ്ട് മലീമസമായ 19-ാം നൂറ്റാണ്ടില് ജീവിച്ച തപോധനനായിരുന്നു ചാവറയച്ചന്. കേരളചരിത്രത്തില് സവിശേഷസ്ഥാനമലങ്കരിക്കുന്ന ശ്രീനാരായണഗുരുവിന് മുമ്പുതന്നെ ജാതിക്കും മതത്തിനും അതീതമായി, ഏക ദൈവ സങ്കല്പ്പം അവതരിപ്പിച്ച മഹാനാണെന്ന് ചിത്രം സമര്ഥിക്കുന്നു.
ഷൈജു കെ. ജോര്ജ് സംവിധാനംചെയ്യുന്ന ഈ ചിത്രത്തിന്റെ രചന നിര്വഹിച്ചിരിക്കുന്നത് തോമസുകുട്ടി സെബാസ്റ്റ്യനാണ്. സാധാരണമനുഷ്യരുടെ ജീവിതത്തില് ഇടപെട്ടുകൊണ്ട് സമൂഹത്തില് വലിയ മാറ്റങ്ങള്ക്ക് കളമൊരുക്കുന്ന ചാവറയച്ചനെ അവതരിപ്പിക്കാനാണ് ഈ ചിത്രത്തിലൂടെ ശ്രമിക്കുന്നത്.
ചാവറയച്ചനായി വേഷമിടുന്നത് കോട്ടയം പ്രദീപാണ്. കൂടാതെ ടോണി, ബിനു അടിമാലി, ഫ്രാന്സിസ്, ഫാ. ആന്റണി കൊച്ചുവീട്ടില്, ബ്രദര് ജോര്ജ്കുട്ടി, കാവേരി, മീര, മാസ്റ്റര് ജീവന്, മാസ്റ്റര് ഫ്രാഗ്ലിന് റമോ ജോണ്സ്, നന്ദകിഷോര് തുടങ്ങിയവര് അഭിനയിക്കുന്നു. ക്യാമറ: അനില് നാരായണന്.
